那些年1978-10-7 沙田馬場開幕 小弟正式開始賭馬...
當日是星期六 放工在投注站買$10連贏位便回家 聽直播(港台主持係 勞楚令 孟飛 陳華棟及熊良錫 商台那邊 鍾時雨與蘇國仁 比較沉悶 冇聽... 要馬場爆棚 TV才會直播)...半睡半醒之間 聽到 強人贏大力水手 一Q返來 派彩$138.6 心情雀躍
首先 買馬只係識買騎師 未懂咆馬經...首份馬經係5毫子一份之賽馬新聞報 呢份馬經係首創排位+晨操再加5程往績報紙 其後轉睇版面風格相約 關華烈主編之職業馬報 歷30年之久 現時報價6元...專業馬訊要後一兩年出刊 資料更詳盡 但不喜歡其版面設計 家兄則愛不釋手...
呢場冇告仔 細摩(79年11月騎舵手墜馬重傷 79年1月31日年初四才傷愈復出) 揸著掛位表就買兩位世界有名大騎師一Q 就係咁簡單
第二點 買檔位 直路賽利外欄 兩匹馬抽到13與10檔(外檔貼欄 內欄偏遠 馬性喜群跑 貼內欄跑而勝出者 少之又少) 一出閘就咁返來 仲帶離群馬5個馬位 所以派彩有百幾蚊 可謂超值
事後總結 強人(Bold Lad 4歲 棗15.2紐-古勝祥)實力高至頂班 有如虎入羊群 此仗冇乜野講 留待下回分解
成棚三班馬 老弱傷殘 唯一得 大力水手(Popeye 5歲 栗15.3澳-R.A.Howard)操練狀態good fit較好 已盡所能...
大力水手 栗色靚仔馬 忠心可靠 有速度 韌力短 才料有限...79年11月四班谷沙1030 配細摩終於贏回唯一一場勝利
記得一回谷草爛地短途賽事 轉入直路時發生連環墮馬事件 細摩騎大力水手 順勢一抽 抽回起隻馬不至墮地 情勢十分驚險 最終各人只是虛驚一場
Posts
6 comments:
如冇記錯，是四重彩場次，小告的富臨門跨過墮馬馬匹，直奔终点勝出，细摩拉起大力水手的馬頭，才不至成第四人趺馬。當日跌馬的騎師好似係簡元智、呂健威及嘉年達，对嗎？當時得幾歲，最愛看四重彩电視轉播！
呂健威還是葉英健呢？
多謝 馬大王兄...遲了回應 見諒(很少回家)
大力水手-墮馬賽事~發生在 1975年5月5 R5 三班 975M 西洋會杯, 由告仔富臨門奪得...老兄留言所說全中, 多謝捧場.
呂健威
謝謝師兄。另想問細摩曾經骑舵手墮馬，當時匹馬是否 撞牆？
馬大王兄多謝留言...
撞牆 那匹應是 根州童, 舵手墮馬-詳情 請恕小弟記憶蕪糊, 未能作答 見諒.
Post a Comment